IV LIGA ESCOLAR VAL DA LOURIÑA:

Actividade en horario lectivo en colaboración co Centro Escolar

Se ben é certo que coa Liga Escolar de baloncesto do P.B.B temos conseguido o obxectivo de non limita-la participación condicionando esta a aspectos físicos ou técnicos, unha análise máis profunda levounos a ver que a pesares de non limita-lo acceso por cuestións económicas (lembremos que a actividade de baloncesto escolar é gratuíta para os nenos e para as A.N.P.As), físicas ou de calquera outra índole; decatámonos que si existe unha limitación allea ás nosas intencións, esta é a localización familiar dos nenos e nenas, xa que ó non existir transporte escolar polas tardes e moitos dos nenos e nenas viven en zonas rurais crea un atranco cara a súa participación na actividade sinalada no apartado anterior e por iso que afondamos nunha nova proposta que fixera posible chegar a tódolos rapaces sen excepción. Esta proposta plasmouse coa Liga Escolar Val da Louriña, que nesta tempada celebrará a súa IV edición, conservando o seu nome a pesares que este curso non participarán nela os colexios do Concello de Mos tal e como fixeran o ano anterior aínda que si tódolos do Concello do Porriño sen excepción.

Esta actividade parte de obxectivos comúns coa Liga Escolar de Baloncesto do P.B.B e conta coa colaboración dos Equipos Directivos dos centros educativos e dos mestres e mestras de Educación Física.

Nesta cuarta edición fixéronse lixeiras modificacións no proxecto que se presentou os centros o remate do curso pasado e que limita a fase de partidos a unha fase de competición interna deixando os encontros entre escolas para a xornada de clausura que celebrarase en maio nos polideportivos municipais do Porriño

A valoración feita polos mestres e mestras que participaron na actividade foi plenamente satisfactoria nas tres edicións anteriores o que fai que esta proposta este xa consolidada dentro do programa educativo das escolas participantes.

De seguido presentase unha táboa cos datos máis relevantes :