O vindeiro sábado 13 de Xuño celebrarase a II Festa do Deporte do Porriño, nela participarán tódolos deportistas da localidade, os seus pais e adestradores e directivos dos clubs do Porriño.
O servizo de deportes do Concello do Porriño vai celebrar a clausura das actividades da tempada 2008/2009, con unha gran festa na que participarán tódolos deportistas do Porriño e as persoas que queiran participar libremente.
Os actos comenzarán ás 10.00 da mañá con diversas actividades no centro polideportivo municipal, na piscina e no aparcadoiro da instalación, onde xa esta montada una pista de area na que se van a celebrar campionatos de fútbol praia, balonmán praia e aeróbic.
Así mesmo, na piscina municipal instalaranse inchables para deleite dos cativos, e non tan cativos, que queiran aproximarse e gozar deles. A entrada é gratuíta, e o horario de libre acceso vai dende as 10.00, ata ás 11.00, e de 16.00, a 19.00, soamente se precisa de traxe de baño e de ganas de divertirse.Por outra parte vanse montar 6 pistas de mini tenis, nas que ó longo de toda a xornada, haberá adestradores que inicien ós que queiran neste deporte.
Nos polideportivos haberá dende campionatos de 3X3 de baloncesto, concursos de tiro, nos que pode apuntarse todo aquel que queira participar, ata exhibicións de aeromodelismo, patinaxe, atletismo, ximnasia rítmica, capoeira, kung fu, etc.
Renderemos homenaxe o equipo xuvenil feminino da nosa vila, que recentemente proclamouse subcampión de España, e que disputará un encontro contra os seus pais e nais, algún deles ex xogadores deste deporte.
Os actos rematarán as 19.30 da tarde, no que se celebrará a clausura con solta de pombas e un pequeno agasallo para tódolos participantes.
O interese deste acto radica na vontade de promover que por un día, os deportistas abandonen o seu deporte e se atrevan a descubrir outras actividades deportivas.
